தமிழக-கேரள எல்லையில் அபாய முறையில் வீசப்பட்டுள்ள மருத்துவ கழிவுகள்

தமிழக கேரள எல்லை பகுதியான நெல்லை மாவட்டம் புளியரை பகுதியில் அபாய முறையில் வீசப்பட்டுள்ள மருத்துவ கழிவுகள் மற்றும் மர்ம மூட்டைகளால் அப்பகுதியில் பரபரப்பு ஏற்பட்டது. கேரளாவிலிருந்து லாரிகள் மூலம் கொண்டு வரப்படும் கழிவுகளை மர்ம நபர்கள் தமிழக எல்லை பகுதிகளில் கொட்டி விட்டு செல்வதாக கூறப்படுகிறது. இதையடுத்து, சுகாதாரத்துறை அதிகாரிகள் ஆய்வு மேற்கொண்டு கழிவுகளை அகற்றும் பணியில் ஈடுபட்டனர். இது போன்ற செயல்களில் ஈடுபடுவோர் மீது நடவடிக்கை எடுக்க கோரி அப்பகுதி மக்கள் கோரிக்கை வைத்துள்ளனர்.