அனைவரது வாழ்க்கையிலும் மகிழ்ச்சியும் வளமையும் நிலைபெற வேண்டும்: ஆளுநர் தீபாவளி வாழ்த்து

அனைவரது வாழ்க்கையிலும் மகிழ்ச்சியும் வளமையும் நிலைபெற வேண்டும் என ஆளுநர் பன்வாரிலால் புரோஹித், தீபாவளி வாழ்த்து தெரிவித்துள்ளார்.

இது தொடர்பாக ஆளுநர் வெளியிட்டுள்ள வாழ்த்து செய்தியில், தீபாவளி மகிழ்ச்சியும், கொண்டாட்டமும் நிறைந்த தீப ஒளி திருநாள் என குறிப்பிட்டுள்ளார். அத்தகைய மங்களகரமான திருநாளில், தமிழ்நாட்டு மக்களுக்கு இதயபூர்வமான நல்வாழ்த்துக்களை தெரிவித்துக் கொள்வதாக ஆளுநர் கூறியுள்ளார். தீபாவளி திருநாள் அனைவரது வாழ்க்கையிலும், மகிழ்ச்சியையும், நல்வாழ்வையும், வளமையையும் கொண்டு வந்து நிலைபெற்றிருக்க வாழ்த்துவதாக ஆளுநர் பன்வாரிலால் புரோகித் தெரிவித்துள்ளார்.