திருநெல்வேலி மாவட்டம் அரியநாயகிபுரத்தில் போதிய மழை இல்லாததால் அரளிப்பூ விளைச்சல் குறைந்துள்ளதால், விவசாயிகள் கவலை அடைந்துள்ளனர்.
கடையநல்லூரை அடுத்துள்ள அரியநாயகிபுரத்தில் அரளிப்பூ அதிகமாக பயிரிடப்பட்டுள்ளது. தோட்டத்தில் பறிக்கப்படும் பூக்கள் திருநெல்வேலி மற்றும் கேரளாவிற்கு அனுப்பி வைக்கப்படுகின்றன. கடந்த ஆண்டை விட இந்த வருடம் அரளிப்பூ அதிகமாகவே பயிரிடப்பட்டுள்ளது. தற்போது போதிய மழை இல்லாததால் விளைச்சல் குறைவாக உள்ளது. சந்தைகளில் ஒரு கிலோ 10 ரூபாய் முதல் 20 ரூபாய் வரை விற்பனை செய்யப்படுவதால் விவசாயிகள் இழப்பை சந்தித்து வருகின்றனர்.