தமிழ்நாட்டில் இருந்து ஏவப்பட்டது.. இந்தியாவில் முதல் ஹைபிரிட் சவுண்டிங் ராக்கெட்!

நாடு முழுவதும் உள்ள 5 ஆயிரம் மாணவ மாணவிகளை இணைத்து 150 பிகோ ரக செயற்கைகோள்கள் உடன் இந்தியாவின் முதல் ஹைபிரிட் சவுண்டிங் ராக்கெட் உருவாக்கப்பட்டு நேற்று விண்ணில் ஏவப்பட்டது. இந்த செயற்கைகோள் மாமல்லபுரத்திலுள் உள்ள பட்டிபுலம் கடற்கரையிலிருந்து நேற்று காலை 8:15 மணிக்கு ராக்கெட் வெற்றிகரமாக விண்ணில் ஏவப்பட்டது. சவுண்டிங் ராக்கெட்டில் இருந்து ஏவப்பட்ட செயற்கைக்கோள் மூலம் வானிலைநிலவரம், காற்றின் நச்சுத்தன்மை, மண் வளங்கள், ஆக்சிஜன், ஹைட்ரஜன் அளவு மற்றும் வளிமண்டல நிலை, கதிர்வீச்சு தன்மை குறித்த தகவல்களை பெற முடியும் என்று சொல்லப்படுகிறது.