மிஷ்கின் இயக்கத்தில் நாகா, பிரயாகா மார்டின், ராதாரவி உள்ளிட்டோர் நடித்த பிசாசு படம் கடந்த 2014ம் ஆண்டு வெளியாகி மக்களிடையே நல்ல வரவேற்ப்பைப் பெற்றது.
இந்த ஆண்டு ஜனவரி மாதம் வெளியான சைக்கோ படத்தின் வெற்றிக்குப் பிறகு விஷாலை வைத்து துப்பறிவாளன்-2 படத்தை இயக்கி வந்த மிஷ்கின், இருவருக்கும் எற்பட்டப் பிரச்சனையால் படத்தை விட்டுப் பாதிலேயே விலகினார். இந்நிலையில் சில நாட்களுக்கு முன்பு மிக்ஷ்ன் அவரது டுவிட்டர் பக்கத்தில் செப்.20ஆம் தேதி பிசாசு-2 பற்றிய அறிவிப்பு வெளியாகும் என கூறியிருந்தார்.
அதுபோல், இன்று பிசாசு-2 படத்தின் பற்றிய அறிவிப்பை, ராக்ஃபோர்ட் என்டர்டெயின்மென்ட் நிறுவனம் தங்கள் டுவிட்டர் பக்கத்தில் அதிகாரப்பூர்வமாக வெளியிட்டது. பிசாசு-2 படத்தில் முதன்மை கதாப்பாத்திரம் ஏற்று ஆண்ட்ரியா ஜெர்மியா நடிக்கிறார். சைக்கோ படத்தில் வில்லனாக நடித்து வரவேற்பைப் பெற்ற ராஜ்குமார் பிச்சிமணியும் முக்கிய வேடத்தில் நடிக்கிறார். மேலும் இப்படத்தில் இசையமைப்பாளராக இளையராஜாவின் மகன் கார்த்திக் ராஜா இசையமைக்கிறார்.