கர்நாடக மாநிலம் மடிக்கேரியில் தொடர்ந்து பெய்து வரும் கன மழையால் சாலைகளில் மண் சரிவு ஏற்பட்டதன் காரணமாக போக்குவரத்து கடுமையாக பாதிக்கப்பட்டுள்ளது.
குடகு மாவட்டத்தில் பெய்து வரும் கனமழையால் அந்த மாவட்டத்தில் உள்ள முக்கிய சாலைகளில் மண்சரிவு ஏற்பட்டுள்ளது. மலை வழியாக குடகு முதல் சிக்மங்களூர் வரை செல்லும் நெடுஞ்சாலையில் ஏற்பட்டுள்ள மண் சரிவால் போக்குவரத்து முற்றிலுமாக பாதிக்கப்பட்டுள்ளது.
தொடர்ந்து பெய்து வரும் கனமழையால் குடகு மாவட்டத்தில் பல்வேறு நெடுஞ்சாலைகளிலும் மண்சரிவு ஏற்படலாம் என கர்நாடக அரசு எச்சரித்துள்ளது. இதனால் மடிக்கேரி, சிக்மங்களூர், மங்களூர் போன்ற பகுதிகளுக்கு செல்லும் பயணிகள், பொதுமக்கள், வாகன ஓட்டிகள் அந்த வழியாக செல்லும் போது மிகவும் எச்சரிக்கையுடன் பயணிக்க வேண்டும் எனவும், கனமழை பெய்யும் சமயங்களில் பயணங்களை தவிர்க்க வேண்டும் என்றும் கர்நாடக அரசு எச்சரிக்கை விடுத்துள்ளது.