திருச்சியில் போதை ஊசி சப்ளை செய்யும் கும்பலை போலீசார் கைது செய்துள்ளனர்.
திருச்சி – திண்டுக்கல் ரோட்டில் உள்ள தேசியக்கல்லூரி விடுதி எதிரே காரில் இருக்கும் ஒரு கும்பல் விடுதி மாணவர்களுக்கு போதை ஊசி விற்பனை செய்வதாக போலீசாருக்கு ரகசிய தகவல் கிடைத்தது.
இதன் அடிப்படையில் விரைந்து சென்ற கண்டோன்மெண்ட் போலீசார், போதை ஊசிகளை விற்பனை செய்த, திருச்சி பீமநகர் புது ராஜா காலனி பகுதியைச் சேர்ந்த காஜா, திருச்சி கீழ ஆண்டாள் வீதியை சேர்ந்த வினோத், சேதுராமன் பிள்ளை காலனியை சேர்ந்த உதயசந்திரன் ஆகிய மூன்று இளைஞர்களை கைது செய்தனர். அவர்களிடம் இருந்து கார், போதை ஊசிகளை போலீசார் கைப்பற்றினர்.