ஆலங்குளம் அருகே லாரி மீது கார் மோதிய விபத்தில் 5 பேர் உடல்கள் நசுங்கி பலியான சம்பவம் பொதுமக்கள் மத்தியில் சோகத்தை ஏற்படுத்தியுள்ளது.
திருநெல்வேலி மாவட்டம் ஆலங்குளத்தை அடுத்த கரும்புளியூத்தில் கார் ஒன்று சென்றுக்கொண்டிருந்தது. அப்போது எதிர்பாராத விதமாக லாரி மீது கார் படுபயங்கரமாக மோதியது. இந்த விபத்தில் காரில் பயணம் செய்த ஒரு குழந்தை உட்பட 5 பேர் சம்பவ இடத்திலேயே உடல்கள் நசுங்கி பரிதாபமாக உயிரிழந்தனர்.
இதுகுறித்து தகவல் அறிந்து சம்பவ இடத்திற்கு சென்ற காவல்துறையினர், காருக்குள் சிக்கிய உடல்களை தீயணைப்பு வீரர்களின் உதவியுடன் மீட்கும் நடவடிக்கையில் ஈடுபட்டனர்.