நாளை முதல் மூன்று நாட்களுக்கு தமிழகம் மற்றும் புதுச்சேரி மீனவர்கள் கடலுக்கு மீன்பிடிக்க செல்ல வேண்டாம் என்று இந்திய வானிலை ஆய்வு மையம் அறிவுறுத்தியுள்ளது.
தென்கிழக்கு வங்கக்கடல் மற்றும் இந்திய கடலோரப் பகுதிகளில் காற்றழுத்த தாழ்வு நிலை நீடிக்கிறது. இதையொட்டி அடுத்த மூன்று நாட்களுக்கு கடலோர மாவட்டங்களில் மழை பெய்ய வாய்ப்புள்ளதாக இந்திய வானிலை ஆய்வு மையம் எச்சரிக்கை விடுத்துள்ளது.
எனவே, கடலோர மாவட்டங்களை சேர்ந்த மீனவர்கள் நாளை முதல் மூன்று தினங்களுக்கு கடலுக்கு மீன்பிடிக்க செல்ல வேண்டாம் என்று இந்திய வானிலை ஆய்வு மையம் அறிவுறுத்தியுள்ளது.