கல்விக்கான பிரத்யேக தொலைக்காட்சி, வரும் ஜூன் மாதம் முதல் தனது ஒளிபரப்பு சேவையை துவங்க இருக்கிறது.
பள்ளிக்கல்வித்துறை சார்பில் மாணவர்கள் பயன்பெறும் வகையில், சென்னையை தலைமையிடமாக கொண்டு கல்விக்காக பிரத்யேக தொலைக்காட்சி துவங்க திட்டமிடப்பட்டுள்ளது. இந்த கல்வி தொலைக்காட்சி, வரும் ஜூன் மாதத்திலிருந்து தனது ஒளிப்பரப்பு சேவையை துவங்க இருக்கிறது. இதன் மூலம் ஒன்று முதல் 12 ஆம் வகுப்பு வரையிலான மாணவர்களுக்கு தேவையான கல்வி சார்ந்த நிகழ்ச்சிகள் ஒளிப்பரப்பப்பட இருக்கிறது.
கல்வி தொலைக்காட்சி வாயிலாக, மாணவர்களுக்கு ஆசிரியர்கள் பாடங்களை நடத்தவும் திட்டமிட்டுள்ளனர். இந்தநிலையில், பள்ளிகளில் கல்வி தொலைக்காட்சியை மாணவர்கள் காண ஏதுவாக, வண்ண தொலைக்காட்சி பெட்டிகளை தயார் நிலையில் வைத்திருக்குமாறு தலைமை ஆசிரியர்களுக்கு அறிவுறுத்தப்பட்டுள்ளது.