கர்நாடகாவில் தனியார் பேருந்தும் டெம்போ ஆட்டோவும் மோதிக்கொண்ட கோர விபத்தில் 11 பேர் உயிரிழந்தனர்.
கர்நாடக மாநிலம், சிக்கபள்ளாபூர் மாவட்டம் சிந்தாமணியை நோக்கி சென்ற தனியார் பேருந்தும் சிந்தாமணியை நோக்கி எதிர்திசையில் வந்துக்கொண்டிருந்த டெம்போ ஆட்டோவும் பர்லஅள்ளி என்னுமிடத்தில் நேருக்குநேர் மோதிக்கொண்டன. பலத்த சத்தத்துடன் நேரிட்ட இந்த விபத்தில் டெம்போ ஆட்டோவில் பயணம் செய்தவர்களில் 11 பேர் பரிதாபமாக உயிரிழந்தனர். மேலும் இடிபாடுகளுக்குள் சிக்கிய ஏராளமானோரை மீட்ட அப்பகுதியினர் சிந்தாமணி, சிக்கபள்ளாபூர் ஆகிய அரசு மருத்துவமனைகளில் அனுமதித்தனர்.
இந்த கோர விபத்தால் சிந்தாமணி பகுதியில் சிறிது நேரம் பரபரப்பு ஏற்பட்டது. காவல்துறையினர் இந்த விபத்து குறித்து வழக்குப்பதிவு செய்து விசாரணை மேற்கொண்டு வருகின்றனர்.