உலகின் முன்னணி தொலைபேசி நிறுவனமான ஆப்பில் தனது புதிய படைப்பினை நேற்று அறிமுகம் செய்துள்ளது.
அமெரிக்காவின் கியூபர்டினோ நகரில் உள்ள ஸ்டீவ் ஜாப்ஸ் திரையரங்கில் நடைபெற்ற நிகழ்ச்சியில், ஐபோன் 11, ஐபோன் 11 புரோ மற்றும் ஐபோன் 11 புரோ மேக்ஸ் ஆகிய புதிய ரகத்தை ஆப்பிள் நிறுவனத் தலைவர் டிம் குக் அறிமுகம் செய்து வைத்தார். நவீன வசதிகள் கொண்ட இந்த செல்போன்கள், 12 மெகா பிக்ஸல் தரம் கொண்ட செல்பி கேமராவுடன் ஸ்லோமோஷனில் செல்பி எடுக்கும் வசதியுடன் அறிமுகப்படுத்தப்பட்டுள்ளன. இந்தியாவில் அனைத்து வரிகளையும் சேர்த்து 65 ஆயிரம் ரூபாய்க்குள் வரும் 27 ஆம் தேதி விற்பனைக்கு வர உள்ளன. முந்தைய ரகங்களின் விலையை விட 50 டாலர்கள் குறைவாக இந்த ஐபோன் 11 ரகங்கள் சந்தைக்கு வந்துள்ளது குறிப்பிடத்தகுந்தது.