நீட் தேர்வு வந்ததே திமுக காங்கிரஸ் ஆட்சிகாலத்தில் தான் என்றும் மாணவி அனிதாவின் மரணத்துக்கு திமுகவும் காங்கிரஸும் தான் காரணம் என பாமக இளைஞரணி தலைவர் அன்புமணி ராமதாஸ் குற்றம் சாட்டியுள்ளார்.
நாமக்கல் மக்களவை தொகுதி அதிமுக வேட்பாளர் பி.காளியப்பனுக்கு ஆதரவாக சேலம் மாவட்டம் மகுடஞ்சாவடியில் பாமக இளைஞரணி தலைவர் அன்புமணி ராமதாஸ் பிரசாரத்தில் ஈடுபட்டார். அப்போது பேசிய அவர், அதிமுகவின் வெற்றிக்கூட்டணியில் இடம்பெற்றவர்கள் எல்லாம் விவசாயிகள் என்றும் எதிர்க்கட்சி கூட்டணியின் வேட்பாளர்கள் அனைவரும் பணமுதலைகள் மற்றும் சாராய ஆலை உரிமையாளர்கள் என்றும் விமர்சித்தார்.
மேலும், நீட் தேர்வு வந்ததே திமுக காங்கிரஸ் ஆட்சிகாலத்தில் தான் என்றும் மாணவி அனிதாவின் மரணத்துக்கு திமுகவும் காங்கிரஸும் தான் காரணம் என கூறிய பாமக இளைஞரணி தலைவர் அன்புமணி ராமாதாஸ், தமிழகத்தில் அனைத்து பிரச்சனைகளுக்கும் திமுக தான் காரணம் என்று குற்றம் சாட்டியுள்ளார்.
ஸ்டெர்லைட், ஹைட்ரோகார்பன், கச்சத்தீவு, ஜல்லிகட்டு உள்ளிட்ட அனைத்து பிரச்சனைகளுக்கும் திமுக தான் காரணம் எனவும் சுட்டிக்காட்டினார்.
Discussion about this post