தேர்தலுக்கு பிறகு திமுக காணாமல் போகும் என்று பாமக நிறுவனர் டாக்டர் ராமதாஸ் தெரிவித்துள்ளார்.
சென்னை அம்பத்தூரில் ஸ்ரீபெரும்புதூர் நாடாளுமன்ற தொகுதியில் போட்டியிடும் பாமக வேட்பாளர் வைத்தியலிங்கத்தை ஆதரித்து அவர் வாக்கு சேகரித்தார். கூட்டணி கட்சியினர் அனைவரும் இணைந்து செயல்பட வேண்டும் என்று கேட்டுக் கொண்ட ராமதாஸ், தேர்தலுக்கு பின்பு திமுக இல்லாமல் போய்விடும் என தெரிவித்தார். கடலில் மணல் அள்ளும் பணியில் 200 கோடி ரூபாய் வரை ஊழல் செய்தது திமுகதான் என்றும் அதிமுக மாபெரும் வெற்றி பெறும் என்றும் கூறினார்.