மாநில அளவிலான துப்பாக்கி சுடுதல் போட்டியில் நடிகர் அஜித்குமார் அடுத்த சுற்றுக்கு தகுதி

மாநில அளவிலான துப்பாக்கி சுடுதல் போட்டியில் அடுத்த சுற்றுக்கு தகுதி பெற்றுள்ளார் நடிகர் அஜித்குமார். கார் ரேஸ், மெக்கானிக், போட்டோகிராபி, ஏரோ மாடலிங் தயாரிப்பு, சமையல் என அனைத்து துறைகளிலும் நடிகர் அஜித்குமார் ஈடுபட்டு வருகிறார். இந்நிலையில் கோவையில் நடைபெற்று வரும் மாநில அளவிலான துப்பாக்கி சுடுதல் போட்டியில் பங்கேற்றுள்ள நடிகர் அஜித் குமார் அடுத்த சுற்றுக்கு தகுதி பெற்று உள்ளார்.

இந்த போட்டி கோவை அவிநாசி சாலையில் உள்ள போலீஸ் பயிற்சி பள்ளி மைதானத்தில் நடைபெற்று வருகிறது. அதில், 10 மீட்டர் ஏர் ரைபிள் பிரிவில் துப்பாக்கி சுடுதல் போட்டியில் கலந்து கொண்ட நடிகர் அஜித்குமார் 314 புள்ளிகள் பெற்று அடுத்த சுற்றுக்கு தகுதி பெற்றார்.