மகாராஷ்டிரா மாநிலம் பிவாண்டியில் 4 மாடி கட்டடம் ஒன்று நொடிப்பொழுதில் இடிந்து தரைமட்டமானது.
பிவாண்டியில் உள்ள சாந்தி நகர் பல குடியிருப்புகள் நிறைந்த பகுதியாகும். கடந்த சில நாட்களாக அங்கு கனமழை பெய்து வருவதால் குடியிருப்பு கட்டடங்கள் இடிந்து விழும் நிலையில் காணப்பட்டது. இந்த நிலையில், 4 மாடி கட்டடம் ஒன்று நள்ளிரவில் இடி விழுந்து தரைமட்டமானது. நொடி பொழுதில் கட்டடம் இடிந்து தரைமட்டமான வீடியோ காட்சி வெளியாகி உள்ளது.
தகவல் அறிந்து சம்பவ இடத்திற்கு விரைந்து வந்த தீயணைப்பு துறையினர் மீட்பு பணியில் ஈடுபட்டனர். இரவு நேரம் என்பதால் கட்டட இடிபாட்டிற்குள் பலர் சிக்கியிருக்கலாம் என அஞ்சப்படுகிறது. இதுவரை 4 மட்டுமே மீட்கப்பட்டுள்ள நிலையில், மற்றவர்களின் நிலைமை குறித்து எந்த தகவலும் கிடைக்கவில்லை.