பொள்ளாச்சி அருகே மது மற்றும் கஞ்சா உள்ளிட்ட போதைப் பொருட்களை உபயோகித்து இரவு முழுவதும் ரகளையில் ஈடுபட்ட 160 கேரள இளைஞர்களை போலீசார் கைது செய்தனர்.
பொள்ளாச்சியை அடுத்த சேத்துமடை அண்ணாநகர் பகுதியில் கணேஷ் என்பவருக்கு சொந்தமான தோட்டத்தில் கேரளாவை சேர்ந்த 160 இளைஞர்கள் மது, கஞ்சா, மாத்திரை உள்ளிட்ட போதை பொருட்களை உபயோகித்து இரவு முழுவதும் ரகளையில் ஈடுபட்டதாக போலீசாருக்கு புகார் வந்தது.
இதையடுத்து சம்பவ இடத்தில் கோவை மாவட்ட காவல்துறை கண்காணிப்பாளர் சுஜித்குமார் தலைமையில் சென்ற போலீசார் அதிரடி ஆய்வு மேற்கொண்டனர். அப்போது அனுமதி இன்றி செயல்பட்டு வந்த அக்ரிநெஸ்ட் ரெசார்ட்டில், போதை வஸ்துகளை பயன்படுத்தி அத்துமீறலில் ஈடுபட்ட கேரள இளைஞர்கள் 150 பேரை போலீசார் கைது செய்தனர். மேலும் சம்பவத்தில் தோட்டத்து உரிமையாளர் கணேஷ் உள்ளிட்ட 6 பேரை கைது செய்து விசாரணை மேற்கொண்டுள்ளனர்.