தமிழ்நாடு, ஆந்திரா மீனவர்களுக்கு இடையேயான மோதலில் ஆந்திர மாநில மீனவர்கள் 15 பேர் காயமடைந்தனர்.
ஆந்திர மாநிலம் நெல்லூர் மாவட்டம் சீனிவாசபுரம் கலங்கரைவிளக்கு கடல் பகுதியில் தமிழ்நாடு மற்றும் ஆந்திர மீனவர்களுக்கு இடையே மோதல் ஏற்பட்டது. நாகப்பட்டினம், பாண்டிச்சேரியை சேர்ந்த மீனவர்கள் தமிழக எல்லையை தாண்டி ஆத்துமீறி ஆந்திர எல்லைக்குள் நுழைந்ததாக கருதி ஆந்திர மீனவர்கள் தமிழக மீனவர்களிடம் வாக்குவாதத்தில் ஈடுபட்டனர்.
அப்போது தமிழக மீனவர்கள் சென்ற சிறிய படகை ஆந்திர மீனவர்கள் இடித்ததுடன் வலைகளை சேதப்படுத்தியதாக கூறப்படுகிறது. இதனால் மீனவர்களுக்கு இடையே ஏற்பட்ட பிரச்சனையில், ஆந்திர மாநிலம் வாக்காடு வடப்பள்ளி ஆகிய பகுதிகளை சேர்ந்த 6 மீனவர்களுக்கு லேசான காயம் ஏற்பட்டது. இதனையடுத்து காவல் துறையினர் வழக்குப்பதிவு செய்து விசாரணை மேற்கொண்டுள்ளனர்.