பதினொன்றாம் வகுப்பு மாணவர்கள், மே 21 முதல் மே 23-ம் தேதிவரை மறுகூட்டல் மற்றும் மறுமதிப்பீட்டிற்கு விண்ணப்பிக்கலாம் என்று அரசுத் தேர்வுகள் இயக்ககம் அறிவித்துள்ளது.
அதன்படி, scan.tndge.in என்ற இணையதளத்தில் மே 21-ம் தேதி காலை முதல் விடைத்தாள்களின் நகலினை பதிவிறக்கம் செய்துகொள்ளலாம். மறுகூட்டல் மற்றும் மறுமதிப்பீட்டிற்கு விண்ணப்பிக்க விரும்புவோர், அதே இணையதள முகவரில் விண்ணப்பத்தினை பதிவிறக்கம் செய்துகொள்ளலாம்.
விண்ணப்ப படிவத்தினை பூர்த்தி செய்து இரு நகல்கள் எடுத்து, மே 21-ம் தேதி பிற்பகல் 2 மணி முதல், 23-ம் தேதி மாலை 5 மணி வரை சம்பந்தப்பட்ட முதன்மைக் கல்வி அலுவலர் அலுவலகத்தில் ஒப்படைக்க வேண்டும் என்று தெரிவிக்கப்பட்டுள்ளது. மறு மதிப்பீடுக்கு, பாடம் ஒன்றுக்கு 505 ரூபாயும், மறுகூட்டலுக்கு உயிரியல் பாடத்திற்கு 305 ரூபாயும், ஏனைய பாடங்களுக்கு 205 ரூபாயும் செலுத்த வேண்டும்.