தமிழக காவல்துறை தலைமை இயக்குனர் அலுவலக வளாகத்தில் வீர வணக்க நாள் அனுசரிக்கப்பட்டது.

காவலர் வீரவணக்க நாளை முன்னிட்டு சென்னையில் காவல்துறை இயக்குனர் டி.கே.ராஜேந்திரன் மலர் வளையம் வைத்து அஞ்சலி செலுத்தினார். பணியின் போது வீரமரணமடைந்த காவலர்களுக்கு மரியாதை செலுத்தும் விதமாக நாடு முழுவதும் அக்டோபர் 21-ம் தேதி காவலர் வீரவணக்க நாள் அனுசரிக்கப்படுகிறது. அதன்படி தமிழக காவல்துறை தலைமை இயக்குனர் அலுவலக வளாகத்தில் வீர வணக்க நாள் அனுசரிக்கப்பட்டது. அங்குள்ள காவலர் நினைவு சின்னத்தில் காவல்துறை இயக்குனர் டி.கே.ராஜேந்திரன் மலர் வளையம் வைத்து மரியாதை செலுத்தினார். சென்னை காவல் ஆணையர் விஸ்வநாதன் உள்ளிட்ட உயர் அதிகாரிகளும் மலர் வளையம் வைத்து அஞ்சலி செலுத்தினார்.